علاش كتجري يضرك جنبك؟!
كي تجري لمسافة طويلة، واحد الشوية تشدك نخصة فجنبك (كاينة و لا مكاش)، و ما تقدرش تكمل الجرى، هاد الوجع لي تحس بيه طبيا يتسمى "سايد كرامب"، غالبا يوجعك فالجنب الليمن من الكرش، و السبب هو انك كتدير مجهود بدني الأوكسجين ينقص، و هنا الطحال و الكبدة مايولوش يرسلو الكريات الحمرا اللي تهز الأوكسجين، و هادا علاه تحس بالنخصة، و كي تحبس الجرى الوجع يحبس.
مهم ماعندكش علاه. تخاف
هاذ الوجع لي يجيك طبيعي، و ميعنيش أنك مريض بمرض خطير 🤗.
عرفنا "سايد كرامب"، واش هو.
الان السؤال كيفاش ندير باش ما يجينيش أصلا؟
أولا شرب الما بزاف، و ما تجريش و أنت عطشان،
خطش هاذ الوجع يجيك كي يكون الجسم تاعك ناشف من الما، و بدا تجري غير بشوية يعني دير تسخينات، و مع الوقت زيد سرعة الجري تدريجيا، ما تنساش تبقا تتنفس مليح شهيق زفير، و قلل من الماكلة قبل ما تجري.
شكون لي صراتلو!؟؟؟
ليست هناك تعليقات:
إرسال تعليق